Charter Document - 01800011
| Charter Number: | 01800011 |
|---|---|
| Cartulary Title: | Memorials of the Church of SS. Peter and Wilfried, Ripon |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1180 |
| Date type: | Assigned |
| Resource Link(s): |
|
Charter:
Sancti Wilfridi Ripensis Ecclesie omnibus sancte matris ecclesie filiis ad quos iste littere venerint salutem Minime lateat benignitatem vestram inchoatam reedificacionem ecclesie beati Wilfridi suffragiis bonorum quam plurimum indigere et ad tardam posse pervenire consummacionem nisi fideles electi Dei eam oculo pietatis respiciant Hinc est quod nuncios nostros presencium latores litterarum ad humilitatem vestram mittimus precantes quatenus amore Dei et Sancti Wilfridi eos benigne suscipiatis et in tanto negocio eis valeatis et coadjutores assistatis ut in partibus vestris aliquid boni ad prefatam ecclesiam reedificandam valeant acquirere et pro bonis a vobis eis collatis precibus omnibus in eadem ecclesia factis mereamini participare Omnes enim qui operis prefate ecclesie adjutores extiterint et eidem suas elemosinas transtulerint omnium oracionum et precum que in eadem fient se participes fieri gaudebunt et pro eisdem vivis in ea perpetuo una quaque die cantabitur una missa et post vitam animabus eorum et animabus omnium parentum suorum alia missa celebrabitur in relaxacione penitencie que in literis bone memorie Rogeri archiepiscopi Ebor continetur prescriptis nunciis a nobis commissis quam eciam a domino Papa inpetratam et confirmatam operi memorate ecclesie auxilium ferentibus acquisivit Valete