Charter Document - 01790299
| Charter Number: | 01790299 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1308 - 1309 |
| Date type: | Internal, Feast, Regnal |
| Resource Link(s): |
Trinity College Library, Dublin - IE TCD MS 524 (f57r) |
Charter:
Notum sit universis tam presentibus quam futuris quod cum quoddam placitum motum fuisset per breve nove disseisine inter Robertum de Scobehille et Rogerum de la hulle heredes Roberti Coffyn quondam dominus de Welles Coffyn totum manerium de Welle Coffyn petentes et fratrem Johannem Abbatem de Torre et ejusdem loci Conventum predictum manerium tenentes Tandem communibus amicis intervenientibus predictum placitum conquievit in hunc modum videlicet quod predictus Johannes Abbas de Torre et ejusdem loci Conventus pro se et successoribus suis reddiderunt relaxaverunt et quietum clamaverunt predictis Roberto et Rogero totum predictum Manerium in parte borientali cujusdam bunde inter eos facte die jovis proximo ante festum sancti Valentini Martiris anno regni Regis Edwardi filii Regis Edwardi secundo cum toto parco in parte australi ejusdem bunde existente cum tota dona fossati eidem parco pertinenti et cum omnibus aliis suis pertinenciis Tenendum et habendum totum predictum manerium ut in mesuagiis terris arabilibus redditibus serviciis liberorum et villanorum cum catallis et eorum sequelis et cum molendinis pratis paschuis pasturis vastis moris viis semitis aquis et cum omnibus aliis pertinenciis predictis Roberto et Rogero et heredibus suis vel suis assignatis de capitalibus dominis illius feodi libere quiete bene et pacifice jure hereditario imperpetuum ffaciendo inde annuatim selvicia debita et consueta Pro hac autem redditione relaxione et quieta clamancia habenda predicti Robertus et Rogerus pro se et heredibus suis et suis assignatis remiserunt et quietum clamaverunt predictis Abbati et Conventui et eorum successoribus totum jus quod habuerunt vel aliquo modo habere potuerunt in terra arabili in pratis moris et pasturis cum suis pertinenciis in parte australi predicte bunde excepto predicto parco cum dona sua ejusdem fossati Tenendam et habendam totam predictam terram arabilem prata moras et pasturas cum suis pertinenciis pro dictis Abbati et Conventui et eorum successoribus de capitalibus dominis illius feodi sine ulla reclamacione et vendicatione predictorum Roberti et Rogeri et heredum suorum vel suorum assignatorum libere quiete et pacifice imperpetuum salvis regali et forinseco serviciis tante terre pertinentibus imperpetuum et salva porcione relevii tante terre pertinente In cujus rei testimonium presentibus scriptis indentatis et bipartitis partes predicte sigilla sua alternatim apposuerunt Hiis testibus dominis Willelmo Martyn Stephano de haccumbe Thomaso de Cirecestre Jacobo de Oxtone Johanne de Bikebiri militibus Willelmo de Strete Henrici Pynkenay Johanne de Bitelesgate Willelmo de Nywetone et multis aliis Datum apud Exoniam die Martis proximo ante festum sanctarum perpetue et felicitatis virginis Anno predicti Regis supradicto
Source (click image below to view full size)
