Charter Document - 01790298
| Charter Number: | 01790298 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1308 - 1309 |
| Date type: | Internal, A.D., Feast |
| Resource Link(s): |
Trinity College Library, Dublin - IE TCD MS 524 (f49r) |
Charter:
Anno regni Regis Edwardi decimo ad festum sancti Valentini Episcopi ita convenit inter Abbatem et Conventum de Torre ex parte una et Robertum Coffyn ex altera videlicet quod predicti Abbas et Conventus concesserunt predicto Roberto sectam villanorum suorum de Daccumbe et Welles Coffyn ad molendinum ejusdem Roberti apud Welles Coffyn Et predictis Robertus et heredes sui et assignati reddent per annum predictis Abbati et Conventui quatuor solidos sterlingorum ad Pascha et ad festum beati Michaelis equis porcionibus et quod licite possint distringere predictum redditum apud Welles Coffyn super terras et tenementa predicti Roberti et heredum suorum et assignatorum cum necessitate fuerit Et si homines predicti convicti fuerint in Curia predictorum Abbatis et Conventus apud Daccombe ad sectam predicti Roberti molere alibi quam ad predictum molendinum eodem die vel infra octo dies sequentes habeant plenariam restauracionem tolneti ejusdem bladi moliti alibi servicium veram quantitatem Et si insuper quod predictus Robertus et heredes et assignati rationabiliter possint attachiare predictos homines si inventi fuerint eundo vel redeundo ad molendinum alibi quam ad predictum molendinum et illud attachiamentum tradere et demonstrare predictis Abbati et Conventum vel eorum ballivis apud Daccombe et quod super hoc habeant Restauracionem sicut predictum est Et si contingat ex inde predictos Abbatem et Conventum villenagia de Daccombe et Welles Coffyn in manus suas capere et in dominico tenere exinde predictus Robertus in predicto redditu predictis Abbati et Conventui non teneatur In cujus rei testimonium hiis scriptis partitis partes sigilla sua apposuerunt Hiis testibus dominis hugone Peverel de Sampforde Jordano de haccombe Ricardo de Pultemore Johanne de Valle torta militibus Willelmo de Cirencestre Eustachio le Baronn Ricardo de Alre et aliis
Source (click image below to view full size)
