Charter Document - 01790278
| Charter Number: | 01790278 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Confirmation, Grant |
| Date: | 1254 - 1256 |
| Date type: | Assigned |
| Resource Link(s): |
Trinity College Library, Dublin - IE TCD MS 524 (f41v) |
Charter:
Omnibus Christi fidelibus ad quos presens scriptum pervenerit Ricardus Foliot filius Sampsonis Foliot salutem Noverit universitas vestra me pro salute anime mee et antecessorum meorum et successorum concessisse et hac presenti carta mea confirmasse pro me et heredibus meis et assignatis in liberam et puram et perpetuam elemosinam deo et ecclesie sancti Salvatoris de Torre et Canonicis ibidem deo servientibus unum ferlingum terre in villa mea de Welles cum omnibus pertinenciis suis illum videlicet ferlingum quem Sewardus et Odelina et Margareta filia ejusdem Sewardi aliquando tenuerunt Concessi eciam et ratum et gratum habui et hoc presenti scripto confirmavi similiter pro me et heredibus meis et assignatis inperpetuum concessionem et donacionem et confirmacionem quas Fulco de Fereres fecit dominis abbati et conventui de Torre de dimidio ferlingo terre cum messuagiis et omnibus aliis pertinenciis suis in Welles et de Willelmo Bugge cum tota sequela sua inperpetuum et cum omnibus ad eosdem pertinentibus Habendum et tenendum predictis Abbati et Conventui de Torre in liberam puram et perpetuam elemosinam Concessi eciam pro me et heredibus meis et assignatis quod predictus Willelmus vel quicumque predictam terram tenuerint cum pertinenciis habeant communem cum omnibus animalibus suis per totam terram meam de Welles sine impedimento et contradictione exceptis bladis et pratis Et ut hec mea concessio donacio et confirmacio robur firmitatis obtineant presens scriptum sigilli mei impressione confirmavi Hiis testibus dominis Reginaldo de Mohun Willelmo de Mohun Martino de Fissacre Hamelino de Dealdone Rogero de Cokyntone Rogero de Ponchardone Johanne le Barone et aliis
Source (click image below to view full size)
