Charter Document - 01790200
| Charter Number: | 01790200 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1288 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus hoc presens scriptum visuris vel audituris Ricardus filius Stephani salutem in domino Noveritis me dedisse concessisse et hac presenti carta mea confirmasse deo et ecclesie sancti Salvatoris de Torre et Canonicis ibidem deo servientibus in ordine Premonstratensi duas acras terre et dimidiam cum pertinenciis jacentes jacentes in parte occidentali ville mee de Tounstalle in manerio meo de Norton[] in quidam clauso prout bunde se habuit In quo quidem clauso continetur plures particule terre de quibus Ricardus Abbas de Torre et Conventus ejusdem loci ante confectionem presentis scripti fuerunt seisiti et feoffati Tenendam et habendam dictam terram cum suis pertinenciis dictis Canonicis et eorum successoribus imperpetuum adeo libere et quiete sicut alias terras suas tenuerunt in villa de Tounstalle et extra sicut principalis carta a predecessoribus meis eisdem Canonicis confecta plenius et melius protestatur Pro qua quidem donacione concessione et hac presentis carte mee confirmacione dictus Ricardus abbas de Torre et Conventus ejusdem loci dederunt et concesserunt mihi et heredibus meis seu assignatis pro eis et successoribus suis duas acras terre et dimidiam jacentes per divisas partes juxta villam de Tounstalle in escambium terre prenominate nichil juris vel clamii eisdem Abbati et Conventui vel eorum successoribus de predicta terra cum suis pertinenciis imposterum retinendum In cujus rei testimonium presentibus scriptas in modum cirographi confectis sigilla sua alternatim partes apposuerunt Hiis testibus Radulpho de Lynham tunc Senescallo Willelmo de Penyls Johanne ffaukes Thoma ffynamore Willelmo Man et aliis Datum apud Norton[] die Mercurie proximo ante festum sancti Gregorii Anno regni Regis Edwardi sextodecimo
Source (click image below to view full size)
