Charter Document - 01790152
| Charter Number: | 01790152 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1198 |
| Date type: | Assigned |
| Resource Link(s): |
Trinity College Library, Dublin - IE TCD MS 524 (f108v) |
Charter:
Omnibus sancte matris ecclesie filiis ad quos presens scriptum pervenerit Henricus de Pomerio salutem Noveritis me pro amore dei et salute anime mee et omnium antecessorum et heredum meorum dedisse et concessisse et hac presenti carta confirmasse deo et ecclesie sancti Salvatoris de Torre et Canonicis ibidem deo servientibus ordinem Premonstratensem professis ecclesiam de Braworthi cum Capella de Prankradiswike et cum omnibus pertinenciis suis Tenendam et habendam in puram et perpetuam elemosinam Concessi eciam eis et dedi aquas Manerii mei de Braworthi tam illam que venit ex parte occidentali quam illam que venit ex parte aquilonali in valle de Estecumbe et ut firment capita stagnorum earumdem aquarum super terram meam ubicumque sibi commodum putaverint et viderint expedire cum tota molatura ejusdem manerii ita bene et plenarie sicut umquam melius et plenius eandem molaturam Willelmus Briewere habuit Preterea dedi eisdem Canonicis unum ferlingum terre in eodem manerio que vocatur Hidesburga ut habeant et teneant eam in puram et perpetuam elemosinam solutam et quietam ab omni seculari servicio et exactione Ut autem hec concessio et donacio mea firma et stabilis imperpetuum perseveret eam sigilli mei apposicione roboravi Hiis testibus []
Source (click image below to view full size)
