Charter Document - 01790129

Noverint universi quod ad festum Invencionis sancte Crucis Anno domini Millesimo CC Octogesimo quarto ita convenit inter dominum Willelmum de Werpelisdone Canonicum Exon[] ex parte una et Abbatem et Conventum de Torre ex altera videlicet quod predictus Willelmus venerabilis patris domini Petri dei gracia Exonien[] Episcopi obtenta licencia concessit tradidit et dimisit ad firmam dictis Abbati et Conventui totum manerium seu prebendam suam de Asseclist cum redditu et servicio tam liberorum hominum quam nativorum simul cum omnibus escaetis qualitercumque accidentibus et omnibus aliis ad predictam manerium spectantibus Tenendum et habendum sibi et successoribus eorum usque ad finem trium annorum a festo sancti Michaelis anno predicto computandorum adeo libere et integre sicut idem Willelmus illud umquam tenuit Reddendo et solvendo pro dicta firma annuatim prefato Willelmo in domo sua Exon[] XX marcas sterlingorum ad duos anni terminos videlicet ad festum Purificacionis beate Marie x marcas et ad festum Nativitatis beati Johannis Baptiste decem marcas Et servicia inde debita et consueta nihilominus faciendo dictumque W per omnia acquietando Qui quidem redditus quociens aretro fuerit poterit idem W vel ejus Ballivus averia dictorum Abbatis et Conventus ubicumque in dicto manerio capere et ad quemcumque locum voluerit in Hundredo de Clistone fugare et ea in parco contra vadium et plegios detinere donec de predicto redditu sibi fuerit plenarie satisfactum vel si maluerit poterit districtionem hujus vicecomiti Devonie pro tempore existenti committere faciendam Qui vicecomes si se super hoc intromiserit pro qualibus districtione pro defectu ipsorum facta dabunt dicti Abbas et Conventus eidem vicecomiti unam marcam argenti in usum suum pro labore suo convertendam et per consimilem districtionem levandam Si vero contingat sepedictum Willelmum dicto termino nondum finito in fata decedere et tali forte anni tempore quod terminos solucionis prefati redditus non attingat nihilominus tamen predicti Abbati et Conventus executoribus ejusdem Willelmi de redditu memorato pro rata temporis arbitrio boni viri satisfacient Et quod predicti Abbati et Conventus supradictum manerium sive prebendam ad festum Invencionis sancte Crucis per presentem convencionem ingressi waretum cum pastura instantis estatis et fenum sicut moris est percepturi eodem modo ipsi ultimo dictorum trium annorum hujus waretum pasturam et fenum predicto domino Willelmo sine difficultate dimittent et totum manerium predictum sive prebendam cum pertinenciis in fine termini predicti in adeo bono statu sicut illud receperunt vel meliori restituent eidem arbitrio legalium virorum vicinorum Convenit tamen inter partes predictas quod si predicti Abbas et Conventus vel eorum successores gratiam prefati venerabilis patris seu successorum suorum sive summi Pontificis super appelacione dicti manerii sive prebende interim obtinere poterint firma durante ipsi idem manerium cum pertinenciis habeant et teneant pro predictis viginti marcis annuis omnibus diebus vite ejusdem Willelmi condicionibus antedictis In quorum omnium testimonium et perfectam securitatem tam predictus Willelmus ex parte una quam dicti Abbas et Conventus ex altera huic scripto indentato et inter eos bipartito sigilla alternatim apponi fecerunt Datum Exon[] in vigilia Invencionis sancte Crucis Anno domini MCC Octogesimo quarto