Charter Document - 01790051
| Charter Number: | 01790051 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1294 |
| Date type: | Assigned |
| Resource Link(s): |
Trinity College Library, Dublin - IE TCD MS 524 (f61v) |
Charter:
Universis Christi fidelibus presens scriptum visuris vel audituris Willelmus filius Roberti de Uppehom salutem in domino Noverit universitas vestra me remisisse et quietum clamasse de me et heredibus meis et assignatis totum jus et clamium quod habui vel aliquomodo habere potui in tribus denariis redditus quos Abbas de Torre et eisdem loci Conventus antecessoribus meis aliquo tempore annuatim reddere consueverunt pro quibusdam terris et tenementis in Hywis juxta la fflode et quas terras et tenementa quondam Willelmus Lanceyn antecessor meus predictis Abbati et Conventui in puram et perpetuam elemosinam dedit prout in carta quam eis inde fecit plenius continetur quam inspexi eandem et in omnibus articulis in eadem contentis eisdem Abbati et Conventui et eorum successoribus ac monasterio suo Sancti Salvatoris de Torre pro me et heredibus meis et assignatis ratifico et confirmo imperpetuum Ita quod nec ego nec heredes mei aut assignati aliquid juris aut clamii in predictis tribus denariis redditus aut predictis terris et tenementis aliquo unquam tempore neque in dominico neque in servicio exigere poterimus vel clamare in futurum In cujus rei [] Datum []
Source (click image below to view full size)
