Charter Document - 01790012
| Charter Number: | 01790012 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1252 |
| Date type: | Assigned |
| Resource Link(s): |
Trinity College Library, Dublin - IE TCD MS 524 (f36r) |
Charter:
Omnibus sancte matris ecclesie filiis hoc scriptum visuris vel audituris Reginaldus de Mohun salutem Noverit universitas vestra me caritatis intuitu et pro salute anime mee et animarum antecessorum et successorum meorum confirmasse pro me et heredibus meis inperpetuum donaciones omnium terrarum et tenementorum possessionum redituum et ecclesiarum cum omnibus libertatibus et liberis consuetudinibus et omnibus aliis pertinenciis suis quas Willelmus Briwere avus meus et Willelmus Briwere filius ejus avunculus meus fecerunt deo et ecclesie sancte Trinitatis de Torre et Canonicis ibidem deo servientibus in ordine Premonstratensi Habendas et tenendas eisdem Canonicis et successoribus suis in puram et perpetuam elemosinam solute et quiete ab omni servili opere et consuetudine et seculari exactione sectis et demandis inperpetuum sicut melius et quiecius eisdem donacionibus cum omnibus aliis predictis predicti Canonici tempore predicti Avunculi mei et tempore mea hactenus usi fuerunt Ut autem ista confirmacio perpetue firmitatis robur obtineat eam presenti scripto et sigilli mei impressione roboravi Hiis testibus []
Source (click image below to view full size)
