Charter Document - 01790008
| Charter Number: | 01790008 |
|---|---|
| Cartulary Title: | The Exchequer Cartulary of Torre Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 - 1228 |
| Date type: | Assigned |
| Resource Link(s): |
Trinity College Library, Dublin - IE TCD MS 524 (f35r) |
Charter:
Omnibus Christi fidelibus ad quos presens scriptum pervenerit Willelmus Briwer filius Willelmi Bruwer salutem Noverit universitas vestra me divine caritatis intuitu dedisse concessisse et hac presenti carta mea confirmasse deo et Ecclesie sancte Trinitatis de Torre et Canonicis Premonstratensis Ordinis ibidem deo servientibus pro salute anime mee et Johanne uxoris mee et pro animabus domini Willelmi Briwere patris mei Beatricis matris mee et omnium antecessorum et successorum meorum cum corpore meo totam terram meam de Ylsham et de Coleton cum omnibus pertinenciis suis Et totum pratum meum quod jacet in occidentali parte calcete que descendit de Abbathia de Torre usque ad mare inter predictam calcetam et pratum de Cokyngtone Habendum et tenendum predicte domui de Torre et Canonicis prenominatis totam predictam terram in liberam elemosinam libere quiete integre pacifice bene et in pace cum omnibus suis libertatibus et liberis consuetudinibus ad dictam terram pertinentibus In bosco in plano in pratis et paschuis in viis in semitis in aquis in molendinis in stagnis in moris et turbariis in liberis introitibus et exitibus et in omnibus aliis locis et rebus ad predictam terram pertinentibus quietam inperpetuum ab omni seculari servicio et exactione Ego vero et heredes mei totam predictam terram cum omnibus pertinenciis suis predicte domui de Torre et Canonicis prenominatis contra omnes mortales inperpetuum Warantizare debemus Et ut hec donacio et presentis carte mee confirmacio perpetue firmitatis inperpetuum robur obtineant presentem cartam sigilli impressione roboraui []
Source (click image below to view full size)
