Charter Document - 01765021
| Charter Number: | 01765021 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1295 |
| Date type: | Internal, Calendar, Papal |
| Resource Link(s): |
Reference Document for this Embedded Document Reference Document for this Embedded Document |
Charter:
Bonifacius episcopus servus servorum Dei venerabilibus fratribus B[eraldo] Alban et S[imoni] Penestr episcopis sedis apostolice nunciis salutem et apostolicam benedictionem Laudanda vestre circumspectionis industria in magnis et arduis probata multociens instanter inducit et excitat mentem nostram ut vobis utpote diversarum virtutum claritate conspicuis que cordi gerimus secura fiducia committamus Cum itaque vos pro urgentibus gravibus que negotiis communiter vobis commissis ad ultramontanas partes fiducialiter destinemus Nos volentes ut eo facilius premissa negotia prosequi valeatis utiliter quo minus fueritis subductis obstaculis inpediti recipiendi huiusmodi negotiorum prosecutione vestra durante tam in presentia quam in absentia procurationes a venerabilibus fratribus nostris archiepiscopis et episcopis ac dilectis filiis electis abbatibus prioribus decanis prepositis archidiaconis archipresbiteris et aliis ecclesiarum prelatis et ecclesiasticis personis religiosis et aliis eorum capitulis et conventibus exemptis et non exemptis Cisterciensis et Cluniacensis Premonstratensis sancti Benedicti et aliorum ordinum necnon magistris et preceptoribus domorum militie Templi et hospitalis sancti Johannis Jerosolem illarum partium ad quas et per quas eundo pro negotiis ipsis stando et redeundo vos vel vestrum quemlibet ire contigerit et contradictores per censuram ecclesiasticam appellatione postposita compartendi non obstantibus constitutione quam felicis recordationis Gregorius papa x predecessor noster edidit in concilio Lugdun et qualibet alia sedis apostolice constitutione seu quibuslibet privilegiis vel indulgenciis quibuscumque personis locis vel ordinibus sub quavis forma verborum ab apostolica sede concessis de quibus quorum ve totis tenoribus plenam et expressam oporteat in presentibus fieri mentionem et per que [id] quomodo libet valeat inpediri liberam vobis et cuilibet vestrum concedimus auctoritate presentium facultatem Data Lateran xij kalendas Marcii pontificatus nostri anno primo