Charter Document - 01764021
| Charter Number: | 01764021 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1295 |
| Date type: | Internal, Calendar, Papal |
| Resource Link(s): |
Reference Document for this Embedded Document Reference Document for this Embedded Document |
Charter:
Bonifacius episcopus servus servorum Dei venerabilibus fratribus B[eraldo] Alban et S[imoni] Penestr episcopis sedis apostolice nunciis salutem et apostolicam benedictionem Laudanda vestre circumspectionis industria in magnis et arduis probata multociens instanter inducit et excitat mentem nostram ut vobis utpote diversarum virtutum claritate conspicuis que cordi gerimus fiducia committamus Cum itaque vos per urgentibus gravibus que negotiis communiter vobis commissis ad ultramontanas partes fiducialiter destinemus nos ut in terris et in regionibus illarum partium ad quas et per quas eundo pro negotiis ipsis stando et redeundo vos vel vestrum quemlibet ire contigerit eo reddamini amplius graciosi quo majori fueritis auctoritate nostra muniti vobis et vestrum cuilibet compellendi quoslibet prelatos cuiuslibet preeminencie vel dignitates extiterint necnon regulares Cisteciensis Premonstratensis Cluniacensis et aliorum [ordinum] magistros quoque preceptores priores et fratres sancti Johannis Jerosol militie Templi et aliorum quorumcumque hospitalium sive domorum et alias personas ecclesiasticas cathedralium aliarum ecclesia sive monasteria exemptorum et non exemptorum per censuram ecclesiasticam a procuratoribus in contribuendo vobis debitis non obstantibus quibuscumque privilegiis et indulgenciis apostolicis per que in hac parte possent quomodo libet se tueri et de quibus quorum ve totis tenoribus de verbo ad verbum debeat fieri in nostris litteris mentio specialis plenam auctoritate presentium concedimus facultatem Data Lateran xij kalendas Marcii pontificatus nostri anno primo