Charter Document - 01763021

Bonifacius episcopus servus servorum Dei venerabilibus fratribus patriarchis archiepiscopis et episcopis ac dilectis filiis electis abbatibus prioribus decanis prepositis archidiaconis archipresbiteris plebanis et aliis ecclesiarum prelatis et eorum vices gerentibus ac ecclesiasticis personis religiosis et aliis ecclesiarum et monasteriorum capitulis et conventibus exemptis et non exemptis Cisterciensis et Cluniacensis Cartusiensis Premonstratensis sancti Benedicti sancti Augustini Camaldunensis ac sancti Guibalini ac aliorum ordinum necnon magistris et preceptoribus militie Templi et hospitalis sancti Johannis Jerosolum et beate Marie Teutonicorum salutem et apostolicam benedictionem Cum venerabiles fratres nostros B[eraldus] Albanen et S[imon] Penestr episcopos sedis apostolice nuncios viros utique virtutum claritate conspicuos consilio providos et providencia circumspectos latores presentium ad ultra montanas et Anglicanas partes certis sibi commissis negotiis fiducialiter deponemus universitatem vestram rogamus et hortamur attente per apostolica vobis scripta districte percipiendo mandantes quatinus nuncios ipsos cum per partes vestras transitum fecerint ob reverenciam sedis apostolice et nostram benigne recipientes et honeste tractantes eosdem sibi pro suis et familiarum suarum necessariis de securo conductu necnon in evectionibus oportunis si sue in via decesserunt vel defecerint cum super hiis per ipsos vel eorum aliquem in aliquibus locis vel loco interdum moram trahere contigerit volumus quod non aut ex parte ipsorum fueritis requisiti in eundo morando et redeundo liberaliter providere curetis volumus quod non solum eorundem eisque vicinarum vel adiacentium partium sed aliarum eciam sicut eisdem nunciis pro omnibus huiusmodi dividendis et facilius supportandis expedire videbitur remotarum patriarche archiepiscopi episcopi electi abbates priores decani prepositi archidiaconi archipresbiteri plebani et alii ecclesiarum prelati eorum que vices gerentes ac persone ecclesiastice religiose et seculares ecclesiarum et monasteriorum capitula et conventus exempti et non exempti Cisterciensis Cluniacensis Cartusiensis Premonstratensis sancti Benedicti sancti Augustini Camaldinensis sancti Guibelini et aliorum [ordinum] necnon magistri et preceptores militie Templi hospitalis sancti Johannis Jerosolum et sancte Marie Teutonicorum et quolibet aliorum locorum ecclesiarum contribuere in subventionibus huiusmodi teneantur Sic itaque mandatum nostrum efficaciter adimplere curetis quod positis ex inde non inmerito commendari Alioquin sentenciam quam iidem nuncii vel eorum quilibet per se vel alium seu alios propter hoc rite tulerint in rebelles ratam habebimus et faciemus auctore Domino usquam ad satisfactionem condignam inviolabiliter observari non obstante si est aliquibus ab eadem sede indultum quod nunciis seu legatis sedis ipsius aliquam procurationem exhibere vel in ipsa contribuere nisi ad eos declinaverint minime teneantur seu quod interdici suspendi vel excommunicari non possint per [litteras] apostolicas que de indulto huiusmodi totoque tenore ipsius plenam et expressam non fecerint mentionem sed quibuslibet privilegiis quibuscumque personis locis vel ordinibus sub quavis forma verborum ab eadem sede concessis de quibus quorumque totis tenoribus in nostris litteris specialis mentio sit habenda et per que [presens] mandatum nostrum quomodo libet valeat impediri Data Lateran x kalendas Marcii pontificatus nostri anno primo