Charter Document - 01762021
| Charter Number: | 01762021 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1296 |
| Date type: | Internal, A.D., Calendar, Papal |
| Resource Link(s): |
Reference Document for this Embedded Document Reference Document for this Embedded Document |
Charter:
Miseratione [divina] B[eraldus] Alban et S[imon] Penestr episcopi venerabilibus fratribus universis et singulis archiepiscopis episcopis et eorum vicariis in Anglie Scotia Wallia constitutis salutem in Domino Cum in prosecutione negotiorum nobis a sede apostolica commissorum subierimus et adhuc subire habeamus necessario grande onera expensarum et ob hoc in vestris et regni Francie partibus procurationes nostras pecuniarias in relevatione onerum expensarum huiusmodi pro secundo anno decrevimus exigendas vobis et vestrum singulis committimus et nihilominus in virtute sancte obediencie apostolica qua fungimur auctoritate mandamus quatinus singuli vestrum dictas nostras procurationes pecuniarias vobis ipsis necnon et abbatibus prioribus decanis prepositis archidiaconis archipresbiteris et aliis prelatis capitulis et conventibus ecclesiarum parochialium rectoribus et aliis ecclesiasticis personis exemptis et non exemptis Cisterciensis Cluniacensis Premonstratensis sancti Benedicti et aliorum ordinum ac magistris et preceptoribus domorum militie Templi et hospitalis sancti Johannis Jerosolum in vestris civitatibus et dioecesibus constitutis pro secundo anno infra mensem a tempore receptionis presentium inponatis videlicet pro qualibet marca sterlingorum quatuor denarios eiusdem monete ecclesiarum monasteriorum prioratuum domorum et aliarum dignitatum seu personatuum quibus dicte persone ecclesiastice preese noscuntur computatis reditibus et proventibus ecclesiasticis prout in solutione decime computantur et eas sic inpositas infra duos menses a tempore inpositionis huiusmodi studeatis per vos vel alium seu alios ydoneos exigere et colligere cum effectu Nos enim induemus peremptorie predictas omnes et singulas personas ecclesiasticas quibus huiusmodi procurationes nostras duxeritis inquirendas eisque sub excommunicationis pena precipimus quam in eis ex nunc ut tunc in hiis scriptis ferimus nisi fecerint quod mandamus quatinus infra premissum duorum mensium spacium a tempore quo inpositiones per vos sibi factas recipiant numerandum summas ratione procurationum ipsarum per vos eis inpositas nomine nostro solvant nobis vel eis quos ad receptionem earum duxeritis deputandos Ipsas autem procurationes sic collectas Johanni Haldebrandini et Johanni Inqueti et Justo Foresii de societate Clarentum de Pistorio mercatoribus domini nostri pape et nostris vel eorum alteri seu eorum aut alterius ipsorum procuratori absque more diffugio nostro nomine et pro nobis reddi et solvi integre dictarum procurationum moderatis sumptibus et expensis Lond faciatis Contradictores et rebelles auctoritate nostra seu verius apostolica per censuram ecclesiasticam et invocare videritis contra eos auxilium brachii secularis Quod si in premissis exequendis negligentes quod absit fueritis vel rebelles nos in singulos vestrum qui in premissis negligentes vel rebelles fueritis ex nunc et ex tunc suspensionis sentenciam promulgamus que si per mensem sustinueritis excommunicationis sentenciam auctoritate apostolica nobis in hac parte commissa ex nunc ut ex tunc in vos ferimus in hiis scriptis Tenores autem litterarum apostolicarum quarum auctoritate tam presentia vestra quam in absentia predictas procurationes petere ac peti facere possumus fecimus presentibus annotari qui sequuntur per ordinem sub hiis formis [] Acta et data Paris vj idus Octobris anno Domini MCC nonagesimo sexto pontificatus domini Bonifacii pape predicti anno secundo