Charter Document - 01762001
| Charter Number: | 01762001 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1296 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presentes littere pervenerint Willelmus Dei gracia abbas de Burgo Sancti Petri et eiusdem loci conventus salutem in Domino Noveritis nos unanimi assensu capituli nostri remisisse et omnino pro nobis et successoribus nostris quantum in nobis est inperpetuum quietum clamasse domino Galfrido de la Mare in Makeseye militi et heredibus suis omnia onera et servicia que occasione ballive constabularie abbathie de Burgo Sancti Petri nobis qualitercumque tenebantur Salvis ecclesie nostre omnibus articulis ad regalitatem spectantibus Et salvo ecclesie nostre servicio militari pro feodis que idem Galfridus de nobis tenet Ita quod nec nos nec successores nostri ratione ballive constabularie predicte vel exactionum seu articulorum ballivum illam qualitercumque contingentium versus eosdem Galfridum vel heredes suos decetero quicquam exigere poterimus vel vendicare In cuius rei testimonium presenti scripto sigillum commune capituli nostri apposuimus Datum apud Burgum Sancti Petri in crastino sancti Hilarii anno regni regis Edwardi filii regis Henrici vicesimo quarto