Charter Document - 01761195
| Charter Number: | 01761195 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1306 |
| Date type: | Internal, Feast, Regnal |
| Resource Link(s): |
|
Charter:
Universis sancte matris ecclesie filiis pateat per presentes quod mota discordia inter abbatis de Burgo Sancti Petri et de Thorneia de quodam chimino habendo ab uno loco in aqua de Neen qui vocatur Herlotesforth usque ad villam de Eye tandem contentio predicta ad instanciam reverendi patris domini Walteri Coventr et Lichef episcopi tunc temporis illustris regis Anglie thesaurarii et aliorum amicorum communium inter partes easdem conquievit in hunc modum videlicet quod predictus abbas de Burgo Sancti Petri et eiusdem loci conventus ex mera voluntate et speciali sua benivolencia pro mutue religionis caritate augenda et fovenda concesserunt pro se et successoribus suis quod predictus abbas de Thorneia et eiusdem loci conventus et eorum successores et omnes homines eorum ac alii hospites et familiares apud Thorneye accedentes decetero habeant predictum chiminum et eo utantur pro voluntate sua omnibus horis anni ad latitudinem quindecim pedum cum bigis carectis equis cariagiis propriis et fugacione averiorum et animalium suorum ad mercata ferias et alibi transeundum eundo et redeundo sine perturbatione predictorum abbatis de Burgo Sancti Petri conventus successorum et hominum suorum inperpetuum Hoc tamen observato quod alii quicumque extranei preter quam in forma predicta virtute huius concessionis nichil juris vel clamii seu aisiamenti in predicto chimino exigere vel vendicare poterunt In cuius rei testimonium huic scripto in dentato sigilla dictorum abbatum et eorum conventuum alternatim sunt apposita Datum apud Staunford die Martis proxima post festum sanctorum Tiburtii et Valeriani anno regni regis Edwardi filii regis Henrici tricesimo quarto