Charter Document - 01761194
| Charter Number: | 01761194 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Reply |
| Date: | 1306 |
| Date type: | Internal, Calendar, Regnal |
| Resource Link(s): |
|
Charter:
Excellentissimo in Christo domino suo domino Edwardo Dei gracia illustri regi Anglie domino Hybernie et duci Aquitanie suus si placet capellanus humilis abbas sancti Petri de Burgo salutem et votiva orationum suffragia continua subjectibiliter impendenda Quoniam hac instanti die Lune in crastino sancte Trinitatis proximo futuro coram vobis et consilio vestro apud Westm causa impediente legitima personaliter interesse non valentes dilectos nostros in Christo fratrem Willelmum Saleman com monachum et sacristam nostrum et Robertum de Thorp procuratores seu attornatos nostros ad tractandum et ordinandum una cum magnatibus et proceribus de regno vestro et ad consentiendum hiis que ibidem ordinari seu fieri debebunt cum mandato et potestate speciali vestre regie celsitudini transmittimus ratum promittentes habere et firmum quicquid pro utilitate et honore regie majestatis vestre per ipsos vel eorum alterum ibidem fuerit ordinatum consensum statutum seu diffinitum In cuius rei testimonium presentibus sigillum nostrum apposuimus Datum apud Burg Sancti Petri die Jovis in septimana Pentecoste anno regni vestri xxxiiij