Charter Document - 01761147
| Charter Number: | 01761147 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1301 |
| Date type: | Assigned |
| Resource Link(s): |
|
Charter:
Excellentis religionis viris permissione divina domino abbati de Gerndon et eiusdem loci conventui Cistersiensis ordinis G[odefridus] eadem permissione abbas monasterii sancti Petri de Burgo salutem quam sanguis in cruce redemit salvatoris Cum frater Johannes de Repingale commonachus noster vitam ducere artioris religionis ac in vestro monasterio juxta sacri ordinis vestri regulam profiteri iam pridem optaverit divinitus inspiratus cuius devotionem zelo ferventis desiderii conceptam effectui mancipare ut tenemur cupientes religionis vestre fraternitatem in Christo exoramus quatinus dilectis nostris in Christo fratri Willelmo Saleman sacriste monasterii nostri ac magistro G[alfrido] de Makes clerico nostro nunciis nostris specialibus ad exponendum prosequendum et promovendum dicti fratris negotium vobis transmissis in hiis que vobis nomine nostro et congregationis nostre duxerint intimanda fidem velitis adhibere indubitatam caritatis et religionis intuitu exponenda favorabiliter expedientes In Christo Jesu valeat vestra conversatio religiosa per tempora longa