Charter Document - 01761139
| Charter Number: | 01761139 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1300 |
| Date type: | Assigned |
| Resource Link(s): |
|
Charter:
Excellentis religionis viro domino W[illelmo] permissione divina abbati Malmesbyrie generali capitulo ordinis sancti Benedicti Cantuarens provincie presidenti G[odefridus] eadem permissione abbas de Burgo Sancti Petri salutem et religionis incrementum salubre Licet ad instans capitulum generale per vos Oxon celebrandum pro quorumdam expositione negotiorum et precipue pro vestra dilectione optata indissolubiliter amplectanda accessisse proposuissemus ingentis tamen excusationis impedimentum superveniens per portitorem presentium vobis intimandum zeli nostri propositum in majoris negotii nostri monasterii expeditionem necessario convertebat vicinam Quo circa paternitatis vestre clementiam cum devotione sincera humiliter imploramus quatinus nostrum excusatorem oportuni favoris presidiis in hiis que nostre abstentie causas contingunt habere velitis recommendatum voluntatem vestram si placet cui parere intime affectamus nobis demandantes In Christo Jesu valeat vestra dominatio per tempora longa