Charter Document - 01761123

Bonifacius episcopus servus servorum Dei venerabili fratri episcopo Wyntoniensis et dilecto filio magistro Bartholomeo de Ferentino canonico London salutem et apostolicam benedictionem Gerentes de vestre multiplicis probitatis industria et probate fidei puritate fiduciam in Domino specialem nostra et ecclesie Romane negotia vobis secure committimus exequenda firma credulitate tenentes quod circa executio eorum operose sollicitudinis studium et efficacem sollertiam impendatis Cum igitur totum residuum decime quam felicis recordationis Gregorius papa x predecessor noster in regno Anglie Terre Sancte subsidio deputavit promptum et paratum habere intendamus omnino et speremus indubie quod huiusmodi negotium per nostram circumspectam prudenciam et sollicitudinem diligentem ad affectum favente Domino celeriter perducetur vobis petendi recipiendi et recolligendi per vos vel nostrum quemlibet residuum supradictum nostro et eiusdem Romane ecclesie nomine a personis ecclesiasticis et religiosis ac aliis quibuslibet dicti regni apud quas vel eorum loca depositum esse denoscitur residuum memoratum necnon et contradictores per censuram ecclesiasticam appellatione postposita compellendi Non obstante si personis eisdem vel aliquibus aliis cuiuscumque conditionis status ordinis vel dignitatis existant communiter vel divisim a sede apostolica sit indultum quod interdici suspendi vel excommunicari non possint per litteras dicte sedis non facientes plenam expressam et determinatam de indulto huiusmodi mentionem et qualiter alia dicte sedis indulgencia generali vel speciali cuiuscumque tenoris vel expressionis existat per quam presentibus non expressam vel totaliter non insertam effectus eorum impediri valeat quomodo libet vel differri et de qua plenam et expressam ac de verba ad verbum oporteat in nostris litteris fieri mentionem plenam et liberam presentium auctoritate concedimus facultatem Data Lateran nonas Februarii pontificatus nostri anno sexto