Charter Document - 01761028
| Charter Number: | 01761028 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1297 |
| Date type: | Internal, Calendar, Regnal |
| Resource Link(s): |
|
Charter:
Noverint universi presens scriptum visuri vel audituri quod Henricus de Stratton et Willelmus de Stratton frater eius pro se et successoribus suis concesserunt abbati de Burgo Sancti Petri et eiusdem loci conventui quod omnes tenentes eorundem Henrici et Willelmi de Middelton plenaria veniant bis per annum ad visum franci plegii domini abbatis in manerio suo de Cotingham et quod faciant ibidem quicquid ad eundem visum pertinet inperpetuum Ita quod predicti Henricus nec Willelmus nec heredes utrorumque nec aliquis nomine eorum de predictis eorum tenentibus nec de aliquo eorum aliquem visum franci plegii teneant nec clamare tenere poterunt inperpetuum Et pro hac concessione predicti abbas et conventus concesserunt pro se et successoribus suis eisdem Henrico et Willelmo pro se et familia sua apud Middelton commorantibus tota vita utrorumque ipsorum Henrici et Willelmi rationabilem sustentationem de bosco ipsius abbatis de Cotingham videlicet in focali de spinis et alio sub bosco pro pistrina et coquina et de bosco qui vocatur Rowurs ad comburendum in aula eorundem Henrici et Willelmi ibidem per visum et deliberationem custodis bosci sui de Cotingham sine clamio et calumpnia alicuius meremii Ita tamen quod heredes predictorum Henrici et Willelmi nec aliquis nomine eorum in bosco predicto focale nec aliquid aliud proficuum post decessum predictorum Henrici et Willelmi exigere poterunt nec vendicare in perpetuum Preterea idem abbas perdonavit eisdem Henrico et Willelmo et tenentibus suis predictis omnimoda amerciamenta ad que amerciati fuerunt in visu predicti abbatis a creatione seculi usque diem confectionis presentis scripti In cuius rei testimonium presenti scripto cyrograffato tam predicti abbas et conventus quam predicti Henricus et Willelmus sigilla sua alternatim apposuerunt Datum apud Burgum Sancti Petri vicesimo quinto die Marcii anno regni regis Edwardi filii regis Henrici vicesimo quinto