Charter Document - 01761001
| Charter Number: | 01761001 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1296 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presens scriptum pervenerit Galfridus de la Mare miles filius domini Petri de la Mare in Makeseye salutem in Domino Sciatis me remisisse et omnino de me et heredibus meis quietum clamasse domino Willelmo Dei gracia abbati de Burgo Sancti Petri et eiusdem loci conventui et successoribus suis totum jus et clamium quod habui vel habere potui in balliva constabularii abbatie de Burgo Sancti Petri cum pertinenciis unde predictum abbatem in curia domini regis apud Westmonasterium inplicitave petendo ab eo predictam ballivum ut jus et hereditatem meam cum pertinenciis subscriptis scilicet jus custodiendi homines ipsius abbatis missos in exercitu domini regis tempore guerre ut constabularius Et assidendi primum ferculum coram abbate eiusdem abbathie ad communium installamenti cuiuslibet abbatis eiusdem abbathie Et habendi ad opus meum proprium omnia utensilia aurea et argentea coram abbate ad mensam posita Et perhendmandi in predicta abbathia pro voluntate mea cum tribus armigeris sex garcionibus quinque equis uno dextario et duobus leporariis ad custum abbatis eiusdem domus ut in pane vino cervisia carnibus et pisce feno et avena et aliis necessariis Et capiendi per annum de camera ipsius abbatis duas robas vel quatuor libras sterlingorum pro robis illis Et capiendi pro me et uno milite euntibus in exercitu regis ratione constabularie predicte de predicto abbate equos et armaturam at alia nobis necessaria dum in servicio ipsius abbatis in exercitu regis extiterimus Que omnia predicta pertinencia predictis abbati et conventui et successoribus suis remisi et de me et heredibus meis quietum clamavi Ita quod nec ego nec heredes mei nec aliquis nomine nostro aliquid juris vel clamii in predicta balliva vel in predictis pertinenciis vel in aliquibus aliis pertinenciis vel rebus que ratione predicte ballive peti poterunt exigere poterimus inperpetuum Preterea ego Galfridus remisi et quietum clamavi de me et heredibus meis predictis abbati et conventui et successoribus suis totum jus et clamium quod habui vel habere potui in bosco ipsorum abbatis et conventus de Peychirche ad capiendam sustentationem maneriorum meorum de Makeseye Wodecroft et Northburg tam pro reparatione et factione domorum mearum quam pro focali Ita quod nec ego nec heredes me nec aliquis nomine nostro aliquid in predicto bosco capere vel aliquid juris exigere poterimus inperpetuum In cuius rei testimonium presenti scripto sigillum meum apposui Hiis testibus dominis Johanne Wake Hugone Wake Willelmo de Colevil militibus Willelmo de Torp magistro Galfrido de Mak Gilberto de Sutton et aliis Datum apud Burgum Sancti Petri anno regni regis Edwardi filii regis Henrici xxiiij in crastino sancti Hilarii anno supradicti