Charter Document - 01760302
| Charter Number: | 01760302 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1300 - 1320 |
| Date type: | Assigned |
| Resource Link(s): |
|
Charter:
Johannes permissione divina Linc episcopus dilectis filiis abbati monasterii de Burgo Sancti Petri nostre dioecesis ac universis et singulis abbatibus prioribus archiepiscopis offic decanis ecclesiarum rectoribus vicariis ac capellanis parochialibus et quibuscumque capellanis aliis per nostram dioecesem constitutos salutem graciam et benedictionem Immense ferocitas excessus ad nostrum nuper pervenit auditum quod non nulli iniquitati filii quorum nomina ignorantur die Sabbati in ebdomada Pentecostes ultimo iam effluxo dum dilectus filius frater Willelmus de Clipston monachus monasterii de Croyland ordinis sancti Benedicti nostre dioecesis de Freston versus monasterium suum per villam de Spalding perducta suum transitum modo pacifico ut decuit peregisset in eundem fratrem Willelmum et fratrem Batholomeum de Linc com monachum suum habitu monachali inductum manu violentes injecerunt et ipsos de equis quibus insidebant in terram crudeliter prostraverunt ac eundem fratrem Willelmum cum baculo et aliis armorum generibus in variis capitis et corporis sui locis verberaverunt et atrociter vulnerabunt et alias nefandissime et inhumaniter per tractarunt et dum pro securitate majore sui corporis consequente ille cum insequente fugaret ad parochialem ecclesiam dicte ville et ipsius immunitatem caperet et tutelam predicti Sathane satellites insania furientes ipsum fratrem Willelmum vij diebus tanquam latrone in ipsa ecclesia detinuerunt incarceratum pariter et invitum capam suam et capellanum cum capum quibus tunc indutus erat ab eo in dicta ecclesia percipuerunt ac impediverunt et prohibuerunt sibi cibum et potum et alia vite necessaria ministrari et ollas plenas potu quas humanitas et devotio fidelium sibi contulerunt confregerunt et potu huiusmodi effuderunt et sibi alia enormia intulerunt in violatione immunitatis et libertatis ecclesiastice et contra privilegium ordinis clericorum majoris excommunicationis sententias a sacris canonibus et sanctorum Patrum constitutionibus promulgatas in hac parte preter alias penas canonicas dampnabiliter incurrens Ne igitur tam enorme piaculare flagitium et offensam inde et ecclesie publice perpetratum transeat oculis continentibus inpunitum vobis communiter et divisim in virtute obediencie et sub excommunicationis majoris pena firmiter injungimus et mandamus quatinus omnes et singulos prefatum excessum nefandissimum ut premittitur committentes premissa ve fieri mandantes procurantes seu ea ipsorum nomine facta ratificantes pariter et attemptantes in dictas excommunicationis sententias incidisse et sic excommunicatos fore in singulis ecclesiis vobis subditis omnibus diebus Dominicis et festis intra missa solemnia dum major asseruit populi multitudo campanis pulsatis cruce erecta candelis accensis vestibus sacerdotalibus induti palam et p[] in genere nuncietis et facietis per alios nunciari Exinde non cessantis donec delinquentes reatum suum debite agnoserint et beneficium absolutionis premissa satisfactione debita meruerint obtinere aliud que super hoc dederimus in mandatis Et si quos reclamantes diffamantes ac culpabiles in huiusmodi in severitis de quibus per orationem quemlibet inquiri sollerter volumus et mandamus citetis seu citari faciatis peremptorie eosdem pro vicesimo die post citationem huiusmodi si dies juridica fuerit alioquin proxime die juridico ex tunc sequente compareant coram nobis in [] ubicumque vel dioecesis nostra Linc tunc fuerimus super prefatis excessibus []