Charter Document - 01760300

Johannes permissione divina Linc episcopus dilectis in Christo filiis magistro Johanni de Stratford officiali nostro et Thome de Langetoft canonico ecclesie nostre Linc necnon domino Johanni de Clipston canonico in ecclesia collegiata de Pencriche Coventr et Lich dioecesis salutem graciam et benedictionem Inter sollicitudines varias nostris humeris incumbentes illa post ceteris debet esse precipua nobis cordi ut in clero et populo nostre gubernationi a Deo creditis eradicemus vicia et in ipsis virtutum germina pro viribus propagemus quin de ipsorum periculo cogimur in extremo judicio reddere rationem si in eorum excessibus corrigendis negligentes fuerimus vel remissi Quapropter deliberato consilio nostram dioecesem in capite et membris clerum et populum eiusdem per nos alium seu alios decrevimus fore visitandum nostrumque capitulum ecclesie Linc tam in capite quam in membris ac eciam civitatem Linc juxta juris exigenciam primitus fecimus visitari nos huiusmodi visitationis officium in dicta nostra dioecese obsistentibus nobis variis inpedimentis et legitimis exercere non valentes de vestra circumspectione sollicitudine et diligencia plenam fiduciam reportantes ad visitandum clerum et populum nostre dioecesis domosque religiosos monasteria et personas religiosorum tam in capite quam in membris ecclesias parochiales eciam prebendales vicarias cantarias hospitales et alia quecumque beneficia ecclesiastica nostre dioecesis et personas eorundem necnon inquirendum super excessibus quorumcumque subditorum nostrorum huiusmodique quod excessus ac cetera omnia et singula que in ipsa visitatione sive ad instanciam vel promotionem partium quarumcumque sive ex officio correctione et reformatione comperitis seu videritis indigere corrigendum et reformandum necnon quoscumque a suis beneficiis ecclesiasticis et officiis amovendum si ad amotionem cuiusquam eciam dignitate constituti a dignitate beneficio vel officio fuerit procedendum ac contra notatos in visitatione huiusmodi repertos et alios diffamatos necnon in causis seu negotiis beneficialibus matrimonialibus et divorciis ac aliis quibuscumque ad forum ecclesiasticum spectantibus que in visitatione huiusmodi emerserint procedendum cognoscendum et ea fine canonico decidendum ac eciam dies et loca partibus quibuscumque coram vobis qualitercumque procedentibus seu inperitis coram nobis vel vobis aut aliquo vestrum seu aliis commissariis nostris vel commissario infra nostram dioecesem prefigendum et assignandum ac cetera omnia et singula facienda exercenda et expedienda que circa premissa vel eorum aliqua juxta naturam et qualitatem negotii cuiuslibet in hac parte communiter vel divisim requiruntur agenda vobis de consensu coadjutori nostri conjunctim et divisim et cuilibet vestrum in solidum ita quod quilibet vestrum alio non exspectato seu excusato in omnibus et singulis premissis et ea tangentibus procedere inchoare et finire possitis et quod unus vestrum inceperit alius continuare valeat ac eciam terminare vices nostros committimus cum cohercionis canonice potestate Mandantes quatinus nos de facto vestro distincte et aperte certificetis tempore oportuno In cuius rei testimonium sigillum nostrum et sigillum coadjutoris nostri predicti presentibus sunt appensa Et nos subdecanus ecclesie Linc coadjutor de patris prefatus in signum consensus nostri prefati adhibiti ut premittitur sigillum nostrum fecimus huiusmodi apponi Datum apud Parcum Stowe xviij kalendas Maii anno Domini MCCCXVIIJ