Charter Document - 01760299
| Charter Number: | 01760299 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1309 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus presens scriptum visuris vel audituris Godefridus miseracione divina abbas de Burgo Sancti Petri et eiusdem loci conventus salutem in Domino sempiternam Noverit universitas vestra nos dedisse concessisse et hoc presenti scripto confirmasse Waltero filio Bartholomei de Multon et Mariote uxori eius et heredibus dicte Mariote de se legitime procreatis unum mesuagium in villa de Walton cum omnibus terris et tenementis omnibus juribus et suis pertinenciis que et quas habuimus de dono et confirmatione Roberti filii Johannis de Mithingesby in Walton Paston Gunthorp et Witherington Habenda et tenenda predictum mesuagium omnes terras et tenementas predicta cum omnibus suis pertinenciis libertatibus et aysiamentis predictis Waltero et Mariote et heredibus dicte Mariote libere quiete bene in pace et in perpetuum faciendo inde annuatim thesaurario conventus nostri viginti unum solidum et novem denarios ad quatuor anni terminos videlicet in festo natalis Domini quinque solidos quinque denarios et unum quadrantem in festo Pasche quinque solidos quinque denarios et unum quadrantem in festo sancti Johannis baptiste quinque solidos quinque denarios et unum quadrantem et in festo sancti Michaelis quinque solidos quinque denarios et unum quadrantem Et manerio de Walton quatuor solidos unum denarium et obolum per annum ad predictos terminos Et manerio de Witherington sex denarios per annum ad eosdem terminos Et manerio de Gunthorp per annum unum denarium obolum et quadrantem Et Ricardo de Croyland duos denarios ad Pascha Et Johanni Peverel unum denarium ad Pascha pro omnibus serviciis et de mandis Et quia tenementa prius quadam serjantia pro officio curie de Castr faciendo onerabatur que per appropriationem eorundem in manibus nostris fuit extincta volumus et ordinamus quod predictum officium fiat temporibus futuris per ballivos predicti abbatis et successorum suorum sumptibus suis in perpetuum Ita quod predictus Walterus Mariota nec heredes dicte Mariote ratione illius officii in nullo graventur nec inquietentur Nec liceat predictis Waltero Mariote nec heredibus dicte Mariote predicta tenementa ita alienare vendere vel invadiare quominus ballivi et ministri predictorum thesaurariorum ad districtionem in predictis tenementis sine inpedimento vel contradictione poterint evenire si contingat quod absit ipsos vel eorum alterum in solutione predicti redditus terminis predictis deficere quoquomodo In cuius rei testimonium presentibus sigilla nostra fecimus apponi Datum in capitulo nostro octavodecimo die Februarii anno Domini millesimo CCC octavo