Charter Document - 01760298
| Charter Number: | 01760298 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1317 |
| Date type: | Internal, Calendar, Regnal |
| Resource Link(s): |
|
Charter:
Sciatis presentes et futuri quod nos Godefridus abbas de Burgo Sancti Petri et eiusdem loci conventus dedimus concessimus et hac presenti carta nostra confirmavimus Johanni Love de Dodisthorp et heredibus suis unum mesuagium cum edificiis supersitis et tribus acris terre arabilis in crofto adjacentibus in villa de Burgo in hameleta de Dodisthorp situatis quod de nobis prius tenuit ad firmam Habendos et tenendos sibi et heredibus suis predictum mesuagium cum claustura tam versus altam viam quam campum conformiter faciendum cum crofto adjacente et omnibus aliis pertinenciis suis infra villam et extra libere quiete jure et hereditarie honorifice bene et in pace in perpetuum Reddendo inde nobis et successoribus nostris annuatim quatuor solidos tantum ad quatuor anni terminos usuales pro omni seculari servicio consuetudine exactione et demanda Ita quod nos vel successores nostri nichil aliud juris consuetudinis aut servicii preter annuum redditum predictum a predicto Johanne et heredibus suis exigere poterimus seu vendicare in futurum Et nos predicti abbas et conventus omnia predicta tenementa cum suis pertinenciis prefato Johanni et heredibus suis warantizabimus contra omnes gentes in futurum In cuius rei testimonium huic presenti carte sigilla nostra apposuimus Hiis testibus magistro G[alfrido] de Makes clerico Roberto de Thorp tunc senescallo Burgi Ricardo de Croyland Johanne Peverel Roberto Underwod et aliis Datum in capitulo nostro septimo die mensis Aprilis anno regni regis E[dwardi] filii regis E[dwardi] decimo