Charter Document - 01760296
| Charter Number: | 01760296 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1309 |
| Date type: | Internal, Feast, Regnal |
| Resource Link(s): |
|
Charter:
Universis sancte matris ecclesie filiis presentes litteras visuris vel audituris Godefridus permissione divina abbas de Burgo Sancti Petri et eiusdem loci conventus salutem in Domino sempiternam Noveritis nos dedisse dilecto nobis in Christo Roberto de Thorp centum solidos annuos de camera abbatis qui pro tempore fuerit quolibet anno recipiendos ad duos anni terminos videlicet unam medietatem ad Pascha et aliam ad festum sancti Michaelis donec eidem de terra tenemento vel redditu valencie centum solidos per annum in villa Stanfordie vel alibi infra dominium nostrum providerimus et eidem dederimus tenendum de nobis ad vitam suam et ex tunc cesset solutio dictorum centum solidorum Preterea concedimus eidem Roberto singulis annis dimidium pannum de meliori secta clericorum nostrorum cum pellura competenti pro clericis recipiendum de camera abbatis qui pro tempore fuerit tota vita dicti Roberti Idem vero Robertus concedit per presens scriptum fide media et juramento corporaliter prestito se obligat predictis dominis suis abbati et conventui de Burgo Sancti Petri et eorum successoribus omnibus aliis dominis pretermissis in officio custodie libertatis monasterii eorundem ac omnibus aliis serviciis consiliis et auxiliis eos ac monasterium suum predictum quoquomodo tangentibus quandocumque opus fuerit aut necessitas exegerit fideliter et inconfuse sumptibus eorundem deservire Et ad premissa firmiter observanda parti huius scripti in dentati et versus dictum Robertum remanenti sigillum nostrum et eciam sigillum capituli nostri apposuimus Et parti penes nos residenti idem Robertus sigillum suum apposuit Datum apud Burgum Sancti Petri die Mercurii proxima ante festum sancti Dionisi anno regni regis E[dwardi] filii regis E[dwardi] tercio