Charter Document - 01760295
| Charter Number: | 01760295 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1317 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus ad quos presentes littere pervenerint Godefridus permissione divina abbas de Burgo Sancti Petri et eiusdem loci conventus salutem in Domino sempiternam Noverit universitas vestra nos unanimi assensu concessisse dilecto nobis in Christo magistro Ricardo de Norhampton in tota vita sua cameram honestam infra abbaciam nostram et sustentationem suam decentem in mensa domini abbatis qui pro tempore fuerit cum honorabilioribus personis ut in cibis et potabis et vestrum pro se videlicet dimidium pannum cum pellura et pro duobus garcionibus suis cum garcionibus dicti domini abbatis in victu et vestitu et pro duobus equis suis sicut ceterorum clericorum de melioribus abbatis cum stabulo Et si in camera sua velit seu oporteat morari concedimus quod habeat pro se duos panes de altioribus et duas lagenas de meliori cervisa et de coquina unum ferculum integrum de grossis carnibus seu piscibus cum aliis cibis et ferculis sicut in mensa dicti domini abbatis singulis diebus deservitur et pro garcionibus suis duos panes bissos et unam lagenam et dimidiam secunde cervise cum uno ferculo de coquina et pro camera sua focale et candela sicut ceteri supradicti clerici percipiunt In cuius rei testimonium sigilla nostra presentibus sunt appensa Datum in capitulo nostro iiij kalendas Decembris anno Domini millesimo CCC septimo decimo