Charter Document - 01760294
| Charter Number: | 01760294 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1317 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit Godefridus permissione divina abbas de Burgo Sancti Petri et eiusdem loci conventus salutem in Domino sempiternam Noverit universitas vestra nos unanimi assensu concessisse dilecto et fideli nostro Bernardo de Castr competentem sustentationem in tota vita sua in victu et vestitu in abbacia nostra videlicet unam robam cum pellura de secta armigerorum abbatis annuatim percipiendam et unum panem album et duos panes bissos et duas lagenas bone cervise de cellario abbatis et unum ferculum integrum cum intermisso secundum varietatem dierum et temporum de coquina abbatis cotidie prout libere familie ministratur quamdiu vixerit percipiendos Concedimus eciam eidem Bernardo quod omnia predicta ubicumque fuerit infra abbaciam vel extra libere percipiat et de hiis absque aliqua contradictione vel inpedimento nostri vel successoribus nostrorum pro libito suo disponat In cuius rei testimonium sigilla nostra presentibus sunt appensa Datum in capitulo nostro die Mercurii in festo sanctorum Medardi et Gildardi anno Domini millesimo CCC septimo decimo