Charter Document - 01760289
| Charter Number: | 01760289 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
|
Charter:
Rex thesaurario et baronibus suis de Scaccario salutem Monstravit nobis dilectus nobis in Christo abbas de Burgo Sancti Petri per petitionem suam coram nobis et consilio nostro exhibitam quod cum maneria de Torpel et de Upton cum pertinenciis de ipso abbate teneantur per servicium redditus quatuor librarum per annum et per homagium et fidelitatem ac sectam ad curiam abbatis predicti de tribus septimanis in tres septimanas et per servicium quatuor feodorum militum ac Johannes de Camoys quondam dominus maneriorum illorum et omnes antecessores sui quondam domini eorundem maneriorum omnia servicia predicta pro predictis maneriis a tempore quo non extat memoria omnibus predecessoribus eiusdem abbatis fecerint pro maneriis predictis donec maneria illa ad manus domine Alianore quondam regine Anglie matris nostre per feoffamentum predicti Johannis devenerunt a quo tempore omnia servicia predicta eidem abbati predicte et successoribus suis omnino hactenus sunt subtracta in ipsorum dampnum non modicum et ecclesie sue exheredationem manifestam super quo petiit a nobis sibi de congruo remedio provideri Nos eidem abbati quod justum fuerit fieri volentes in hac parte vobis mandamus quod scrutatis libris et memorandis de eodem Scaccario et inquisita super premissis in presencia ballivorum et ministrorum Isabelle regine Anglie consortis nostre karissime in cuius manibus maneria illa de dono nostro nunc existunt ad hoc premuniendorum si interesse voluerint plenius veritate de eo quod inde inveneritis nos sub sigillo Scaccarii predicti distincte et aperte sine dilatione reddatis certiores ut extunt inde fieri faciamus quod de jure fuerit faciendum Remittentes nobis hoc breve Teste meipso apud Westm xxviij die Maii anno regni nostri viij