Charter Document - 01760258
| Charter Number: | 01760258 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1306 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gracia rex Anglie dominus Hibernie et dux Aquitanie ballivis Johannis episcopi Linc de Newerk salutem Monstravit nobis dilectus in Christo abbas de Burgo Sancti Petri quod cum ipse et dominia sua per cartam celebris memorie domini H[enrici] quondam regis Anglie patris nostri quam inspeximus et confirmationem nostram quieta esse debeant et ipse et predecessores sui abbates eiusdem loci et dominia sua a tempore confectionis carte et confirmationis predictarum semper hactenus a prestatione theolonii in foris et nundinis et in omni transitu pontium viarum et portuum maris in Anglie et extra Anglie et per omnes terras nostras quieta esse consueverint vos nihilominus ipsum abbatem et homines de dominio suo de longa Colingham cum bonis et rebus suis ad villam predicti domini vestri de Newerk venientes ad theolonium vobis inde prestandum graviter distringetis et ipsos ea occasione multeripliciter inquietatis et gravatis minus juste in ipsius abbatis et hominum suorum predictorum dampnum non modicum et contra tenorem carte et confirmationis predictarum Et quia nolumus quod eidem abbati aut hominibus de dominio suo injurietur in hac parte vobis precipimus quod ab huiusmodi districtionibus inquietationibus et gravaminibus prefato abbati aut hominibus de dominio suo occasione predicta decetero inferendis penitus desistentes ipsum et homines de dominio suo a prestatione theolonii in villa predicta quietos esse permittatis juxta tenorem carte et confirmationis predictarum et prout inde quieti esse debent et idem abbas et predecessores sui predicti et homines de dominio suo a tempore predicto semper hactenus inde quieti esse consueverunt Et districtionem si quam eidem abbati aut hominibus de dominio suo ea occasione fieri feceritis sine dilatione relaxetis eisdem Teste meipso apud Neuburgh in Tyndal xxv die Augusti anno regni nostri tricesimo quarto