Charter Document - 01760252
| Charter Number: | 01760252 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1318 |
| Date type: | Internal, Calendar, Regnal |
| Resource Link(s): |
|
Charter:
Rex thesaurario et baronibus suis de Scaccario salutem Petitionem dilecti nobis in Christo abbatis de Burgo Sancti Petri coram nobis et consilio nostro exhibitam recipimus continentem quod cum maneria de Torpel et Upton cum pertinenciis in comitatu Norht de ipso teneantur de ipso et predecessoribus suis abbatibus eiusdem loci et ecclesia sua de Burgo Sancti Petri teneri consueverint per homagium et servicium quatuor feodorum militum et alia servicia annua ad valenciam quatuor librorum per annum et per servicium faciendi sectam ad curiam predicti abbatis de Castr de tribus septimanis in tres septimanas servicia predicta prefato abbati de toto tempore nostro quo maneria illa ad manus nostras devenerunt per custodes et ballivos maneriorum predictorum subtracta exciterunt et detenta in ipsius abbatis et status sui prejudicium et ecclesie sue exheredationis periculum manifestum super quo idem abbas petiit a nobis per petitionem predictam sibi justicia exhiberi Nos nolentes eidem abbati injuriari taliter modo hac parte vobis mandamus quod vos per inspectionem rotulorum et memorandorum de dicto Scaccario et aliis modis quibus super premissis melius informari poteritis informatis utrum videlicet maneria predicta de prefato abbate teneantur necne et si sit tunc utrum per predicta servicia an alia et si per alia tunc per que et qualiter et quo modo et predicta servicia tunc a quo tempore fuerint eidem abbati subtracta et per quos vel per quem et ex qua causa Et de eo quod inde inveneritis necnon de informatione vestra nos sub sigillo dicti Scaccarii quam citius commode poteritis certiores reddere non omittatis hoc breve nobis remittentes Teste apud Ebor xv die Novembris anno duodecimo