Charter Document - 01760249
| Charter Number: | 01760249 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1296 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presens scriptum visuris vel audituris frater Willelmus de Wodeford monasterii de Burgo Sancti Petri minister humilis et eiusdem loci conventus salutem in Domino sempiternam Noverit universitas vestra nos unanimiter concessisse dilecto nobis in Christo Ricardo de Marham dicto le Taylur armigero venerabilis patris domini O[liveri] Dei gracia Linc episcopi conpetentem sustentationem suam in domo nostra quoad vixerit inter armigeros abbatis de Burgo qui pro tempore fuerit plenaria percipiendam ut in victualibus robis stipendiis curialitatibus et graciis que fuerint annuatim armigeriis abbatis proximioribus Ita videlicet quod quandocumque dicto Ricardo placuit apud Burgum declinare et in officio armigeri honesto eidem per abbatem qui pro tempore fuerit assignando personaliter ministrare sustentationem predictam percipiet dum ministraverit absque subtractione aliqua vel diminutione Si vero idem Ricardus debilitate ac infirmitate corporis decentus fuerit quod in officio sui assignato ministrare nequiverit nihilominus in camera sua eidem Ricardo ut predictum est et prout decebit et oportebit infirmum providebitur In cuius rei testimonium presentis scriptis sigilla nostra fecimus apponi Datum in capitulo nostro die Veneris proximi post festum sancti Jacobi apostoli anni Domini MCC nonagesimo vj