Charter Document - 01760247
| Charter Number: | 01760247 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1314 |
| Date type: | Assigned |
| Resource Link(s): |
|
Charter:
Edwardus Dei gratia Rex Anglie Dominus Hibernie et Dux Aquitanie omnibus ad quos presentes littere pervenerint salutem Licet de communi consilio regni nostri statutum sit quod non liceat viris religiosis seu aliis ingredi feodum alicujus ita quod ad manum mortuam deveniat sine licentia nostra et capitalis domini de quo res illa immediate tenetur volentes tamen venerabili patri Iohanni episcopo Linc et capitulo ecclesie beate Marie ejusdem loci gratiam facere specialem concessimus et licentiam dedimus pro nobis et heredibus nostris quantum in nobis est dilectis nobis in Christo abbati et conventui de Burgo Sancti Petri quod ipsi advocationem ecclesie de Normanby dare possint et assignare prefatis episcopo et capitulo habendam et tenendam eisdem episcopo et capitulo et successoribus suis in perpetuum et eisdem episcopo et capitulo quod ipsi advocationem predictam a prefatis abbate et conventu recipere et predictam ecclesiam de Normanby appropriare possint sibi et successoribus suis in usus proprios possidendam tenore presencium Similiter licentiam dedimus specialem nolentes quod predictus abbas et conventus vel successores aut predicti episcopus et capitulum seu successores sui ratione statuti predicti per nos vel heredes nostros inde occasionentur molestentur in aliquo seu graventur salvis tamen capitalibus dominis feodi illius serviciis inde debitis et consuetis