Charter Document - 01760234
| Charter Number: | 01760234 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1310 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gracia rex Anglie dominus Hibernie et dux Aquitanie thesaurario et baronibus suis de Scaccario salutem Ex parte dilecti nobis in Christo abbatis de Burgo Sancti Petri nobis est ostensum quod cum ipse per cartas progenitorum nostrorum quondam regum Anglie percipere et habere debeat et ipse et predecessores sui abbates eiusdem loci semper hactenus a tempore confectionis cartarum predictarum percipere et habere consueverunt catalla hominum suorum fugitivorum et suspensorum et amerciamenta que ex murdro et aliis forisfacturis hominum suorum proveniunt Vos iam de novo ipsum abbatem quominus huiusmodi catalla et amerciamenta percipere et habere possit impeditis voluntarie et injuste in ipsius abbatis dampnum non modicum et ecclesie sue sancti Petri de Burgo exheredationis periculum manifestum Et quia prefato abbati super jure ecclesie sue predicte in hac parte nolumus injuriari vobis mandamus quod si vobis constiterit ita esse tunc predictum abbatem catalla et amerciamenta habere permittatis et ea ei ad Scaccarium predictum allocare faciatis prout ipse ea percipere et habere debet et ipse et predecessores sui predicti ea semper hactenus percipere et habere consueverunt et prout huiusmodi catalla et amerciamenta predicto abbati et predecessoribus suis ad dictum Scaccarium fuerit hactenus allocata Teste meipso apud Westm xviij die Julii anno regni nostri quarto