Charter Document - 01760223
| Charter Number: | 01760223 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1308 |
| Date type: | Internal, A.D., Feast, Regnal |
| Resource Link(s): |
|
Charter:
Omnibus hoc scriptum visuris vel audituris Godefridus permissione divina abbas de Burgo Sancti Petri et eiusdem loci conventus salutem in Domino Noveritis nos dedisse et hoc presenti scripto confirmasse Thome filio Martini de Iseldon quamdam particulam placee nostre in civitate London juxta bracinam sancti Pauli in qua quidem particula continetur quarta pars unius rode terre prout patet in longitudine et latitudine mensuratis videlicet a communi garderoba placee nostre predicte usque ad viam regiam versus austrum et a muro bracine sancti Pauli usque ad placeam Johannis de Waledon Habendam et tenendam predictam particulam placee predicte predicto Thome et heredibus suis de nobis et successoribus nostris inperpetuum et faciendo pro nobis et successoribus nostris pro toto residuo placee nostre predicte capitulo sancti Pauli London per annum quatuor solidos argenti et ecclesie beati Gregorii per annum octodecim denarios pro omnibus serviciis et seculariis de mandis Et nos Godefridus abbas et conventus predicti et successores nostri predictam particulam placee predicte predicto Thome et heredibus suis per predictum servicium warantizabimus et defendemus Et ut hec nostra donatio et concessio firmitatis robur optineat hoc scriptum sigillorum nostrorum munimine roboravimus Datum in capitulo nostro die Mercurii proxima post festum inventionis sancti Crucis anno Domini millesimo CCC octavo et anno regni regis E[dwardi] filii regis E[dwardi] primo