Charter Document - 01760212
| Charter Number: | 01760212 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1307 |
| Date type: | Internal, A.D., Abbot-Prior, Calendar |
| Resource Link(s): |
|
Charter:
Universis Christi fidelibus presens scriptum visuris vel audituris Godefridus miseratione divina abbas de Burgo Sancti Petri salutem in Domino sempiternam Inter varias rerum mutationes necessaria sunt litterarum testimonia que fideliter confirmant presencia et representant preterita Cum igitur nos fines possessionum ecclesie beate Marie de Oxeneya ac ibidem Deo et ecclesie predicte portiones ministrantium que pro earum exilitate absque secularium exhibitione requisita minime sufficiunt conspicientes indigenciam que religionis pro posse in uberiorem fructum transmutare satagentes fraterna dilectione et caritate continua commoti concessimus per nobis et successoribus nostris monachis et confratribus nostris in dicta ecclesia Deo et beate Marie devote famulantibus singulis annis inperpetuum tres decem petras casei pro equali portione percipiendas in manerio nostro de Eye et singulis ebdomadis inter festum inventionis sancte Crucis et festum exaltationis sancte Crucis quartam partem unius petri buturi et duas lagenas lactis ibidem Ita quod singulis annis perceptio cuiuslibet portionis inter custodem ecclesie supradicte et custodem manerii de Eye plenaria tallietur ut utriumque ignorancia plenius excusetur Quam vero donationem et concessionem pro nobis et successoribus nostris et ab omnibus firmiter volumus teneri inperpetuum absque diminutione detentione seu fraudulenti contradictione nisi nos seu aliquam successorum nostrorum pro futuris temporibus terras possessiones seu redditus ecclesie supradicte in augmentationem cultus divini et portionis ministrantium ad valenciam nostre presentis concessionis conferre contigerit que collatio concessio seu confirmatio presentem donationem seu concessionem revocet diminuat et adnihilet ultima concessione in suo robore duratura In cuius rei testimonium has litteras nostre concessionis fieri fecimus patentes tam sigillo nostro quam sigillo capituli nostri consignatas Datum in capitulo nostro vj nonas Maii anno Domini millesimo CCC septimo et prelationis nostre octavo