Charter Document - 01760209
| Charter Number: | 01760209 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Record |
| Date: | 1306 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presentes littere pervenerint G[odefridus] permissione divina abbas de Burgo Sancti Petri et eiusdem loci conventus salutem in Domino Noveritis nos pro nobis et successoribus nostris concessisse Johanni filio domini Gregorii de Lullyngton militis rationabilem sustentationem in tota vita sua pro se tantum videlicet singulis diebus unum panem album et unum panem bissum et unam lagenam et dimidiam bone cervise de cellario nostro et successorum nostrorum et unum ferculum integrum grosse carnis grossi piscis vel allecis secundum varietatem dierum de coquina nostra et successorum nostrorum percipiendum ubicumque fuerit et voluerit tam extra abbaciam nostram quam infra nisi gratis in mensa in aula nostra steterit Ita tamen quod eo die nichil recipiat de cellario nostro nec de coquina nostra nec per eum aliquid exigatur Et idem Johannes recipiet singulis annis de garderoba nostra et successorum nostrorum unam robam de secta valettorum nostrorum cum futura eo tempore quo valetti nostri vel successorum nostrorum suas robas percipiunt et viginti solidos sterlingorum ad quatuor anni terminos videlicet ad Natale quinque solidos ad Pascha quinque solidos ad festum sancti Johannis baptiste quinque solidos et ad festum sancti Michaelis quinque solidos In cuius rei testimonium huic presenti scripto sigilla nostra fecimus apponi Datum in capitulo nostro die Mercurii proxima ante festum apostolorum Simonis et Jude anno Domini MCCC sexto