Charter Document - 01760208
| Charter Number: | 01760208 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1308 |
| Date type: | Internal, Calendar, Regnal |
| Resource Link(s): |
|
Charter:
Rex vicecomiti salutem Ex parte abbatis de Burgo Sancti Petri nobis est ostensum quod cum ipse per libertatem cartarum progenitorum nostrorum regum Anglie et confirmationis celebris memorie domini E[dwardi] quondam regis Anglie patris nostri habeat returna omnium brevium nostrorum quorum executiones infra libertatem dicti abbatis fieri contingunt Et quod idem abbas per ballivos suos per extractas sum monitionum et brevium nostrorum ei per vicecomites nostros qui pro tempore fuerint liberandas debita nostra que infra predictam libertatem nobis debentur levari et inde super compotum vicecomitis ad Scaccarium nostrum nobis respondere debeat Et quod nullus vicecomes ingredi debeat predictam libertatem ad aliquas executiones preceptorum nostrorum faciendas absque waranto speciali Tu per te et ministros tuos dictam libertatem absque waranto intrasti et debita nostra que nobis in eadem debentur de tenentibus dicti abbatis et aliis et que dictus abbas per ballivos suos levasse debuerat per districtiones quam plures minus rite levasti necnon alias districtiones et indebitas executiones infra eandem libertatem fecisti et facere non desistis in prejudicium libertatis et enervationem concessionis progenitorum nostrorum predictorum Et ideo tibi precipimus quod ab huiusmodi gravaminibus et injuriis predicto abbati illatis vel inferendis penitus desistas ipsum que abbatem libertatibus suis super premissis ut et gaudere permittas prout ipse et predecessores sui inde plenius uti consueverunt ne amplius clamor ad nos inde perveniat per quod ad te gravi punitione capere debeamus Teste Rogero de Hegham apud Westm xxvj die Marcii anno regni nostri primo