Charter Document - 01760204
| Charter Number: | 01760204 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1308 |
| Date type: | Internal, Calendar, Regnal |
| Resource Link(s): |
|
Charter:
Rex vicecomiti Huntingdon salutem Ex parte dilectorum nobis in Christo abbatis et monachorum de Burgo Sancti Petri nobis est ostensum quod cum ipsi per cartas celebris memorie domini H[enrici] quondam regis Anglie avi nostri et confirmationem domini E[dwardi] quondam regis Anglie patris nostri quas inspeximus has habeant libertates videlicet quod ballivi dictorum abbatis et monachorum colligant debita nostra in omnibus hundredis dictorum abbatis et monachorum in comitatu Norht et in omnibus dominiis suis in cuiuscumque balliva sint et quod inde respondeant per manum suam ad Scaccarium nostrum Ita quod vicecomes vel ballivi sui in nullo inde se intromittant Et eciam quod habeant placita vetiti namii infra octo hundreda sua in comitatu Norht et alibi infra libertates dominiorum suorum cum returna brevium nostrorum ipsos et libertates suas contingentium ac ballivi dictorum abbatis et monachorum et predecessorum suorum abbatum et monachorum eiusdem loci semper hactenus a tempore confectionis cartarum et confirmationis predictarum debita progenitorum nostrorum quondam regum Anglie et nostra in omnibus hundredis eorundem abbatis et monachorum in predicto comitatu Northt et in omnibus dominiis suis in cuiuscumque balliva essent collegerint dicti que abbas et monachi placita vetiti namii infra octo hundreda sua in comitatu Norht et alibi infra libertates et dominiorum suorum cum returno brevium dictorum progenitorum nostrorum et nostrorum ipsos et libertates suas contingentium habuerunt Tu ballivos predictos debita nostra in dominiis dictorum abbatis et monachorum in balliva tua colligere non permittis nec ipsos abbatem et monachos placita vetiti namii in balliva tua cum returno brevium nostrorum ipsos et libertates suas ibidem contingentium habere facis set ipsos super hoc iam de novo inpedis minus juste in ipsorum abbatis et monachorum dampnum non modicum et gravamen et contra tenorem cartarum et confirmationis predictarum Et quia nolumus quod eisdem abbati et monachis injurietur in hac parte tibi precipimus quod si ita est tunc ballivos predictos debita nostra in omnibus dominiis dictorum abbatis et monachorum in balliva tua colligere permittas et dicto abbati et monachis placita vetiti namii in balliva tua infra libertates dominiorum suorum cum re turno brevium nostrorum tibi directorum et dirigendorum ipsos et libertates suas ibidem contingentium habere facis juxta tenorem cartarum et confirmationis predictarum et prout ballivi predicti debita illa colligere et iidem abbates et monachi et predecessores sui abbates et monachi eiusdem loci placita vetiti namii in balliva tua infra libertates dominiorum suorum cum returno brevium dictorum primogenitorum nostrorum et nostrorum semper hactenus a tempore confectionis cartarum et confirmationis predictarum colligere et habere consueverunt Teste rege apud Westm viij die Marcii anno [] primo