Charter Document - 01760203
| Charter Number: | 01760203 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1302 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gracia rex Anglie dominus Hibernie et dux Aquitanie coronat oribus comitatus Norht salutem Monstravit nobis abbas de Burgo Sancti Petri quod cum ipse et predecessores sui per libertatem cartarum progenitorum nostrorum regum Anglie et confirmationis nostre hactenus habuerunt et idem abbas habere debeat returna omnium brevium nostrorum de quibus executio fieri debeat infra predictum libertatis sue Robertus de Veer nunc vicecomes noster comitatus predicti super receptione plurium brevium nostrorum unde executio fieri debuerat infra libertatem predictam inportune fingens se returnum huiusmodi brevium nostrorum ballivis libertatis ipsius abbatis fecisse ad executionem inde faciendam ubi nullum inde dictis ballivis fecerat coram diversis ministris nostris ubi huiusmodi brevia nostra habuit retornasse maliciose pluries retornavit quod demandavit executionem huiusmodi brevium nostrorum dictis ballivis ipsius abbatis faciendam qui nichil inde fecerunt pretextu cuiusdam returni iterato emanarunt brevia nostra dicto vicecomiti directa quod non omitteret propter dictam libertatem quin eam ingrederetur et huiusmodi brevium nostrorum faceret executionem in lesionem libertatis cartarum progenitorum nostrorum predictorum et confirmationis nostre antedicte quod nobis cedit in contemptum et exheredationem dicti abbatis manifestam Et ideo vobis precipimus quod venire faciatis coram baronibus de Scaccario nostro apud Ebor a die Pasche proxima preterita in unum mensem predictum Robertum vicecomitem nostrum ad respondendum nobis de contemptu et dicto abbati de transgressionibus supradictis sicut idem abbas rationabiliter monstrare poterit quod inde respondere debeat Et habeatis ibi tunc hoc breve Teste W[illelmo] de Carleton apud Ebor vij die Maii anno regni nostri tricesimo