Charter Document - 01760202
| Charter Number: | 01760202 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1307 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gracia rex Anglie dominus Hibernie et dux Aquitanie dilecto et fideli suo Hugoni le Despens justiciario foreste sue ultra Trentam salutem Cum bone memorie dominus H[enricus] quondam rex Anglie pater noster per cartam suam quam confirmavimus concesserit abbati de Burgo et monachis ibidem Deo servientibus quod habeant canes suos non mutilatos per omnia dominia et maneria sua similiter milites et francolani et omnes homines de duobus hundredis de Nasso Burgi habeant canes suos non mutilatos prout in carta predicta plenius continetur vobis mandamus quod ipsos abbatem et monachos per omnia dominia et maneria sua milites francolanos et omnes homines de duobus hundredis predictis canes suos non mutilatos habere permittatis prout ipsi et antecessores eorum a tempore confectionis carte et confirmationis predictarum habere consueverunt Teste meipso apud Karliolum xx die Marcii anno regni nostri tricesimo quinto