Charter Document - 01760201
| Charter Number: | 01760201 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1307 |
| Date type: | Internal, Calendar, Regnal |
| Resource Link(s): |
|
Charter:
Edwardus Dei gracia rex Anglie dominus Hibernie et dux Aquitanie thesaurario et baronibus suis de Scaccario salutem Cum bone memorie dominus H[enricus] quondam rex Anglie pater noster per cartam suam quam confirmavimus concesserit pro se et heredibus suis abbati et monachis de Burgo Sancti Petri quod ballivi predictorum abbatis et monachorum colligant debita predicto patri nostro et heredibus suis debita in omnibus hundredis dictorum abbatis et monachorum in comitatu Norht et in omnibus dominiis suis in cuiuscumque balliva sint et quod inde respondeant per manum suam ad Scaccarium predictum Ita quod vicecomites vel ballivi sui inde in nullo se intromittant prout in carta predicta plenius continentur vobis mandamus quod ballivos dictorum abbatis et monachorum debita predicta in hundredis et omnibus dominiis suis in cuiuscumque ballia sint ut predictum est colligere et ad predictum Scaccarium per manus suas respondere juxta tenorem carte predicte permittatis prout ballivi eorundem abbatis et monachorum a tempore confectionis carte et confirmationis predictarum colligere et respondere consueverunt Teste meipso apud Karliolum xx die Marcii anno regni nostri tricesimo quinto