Charter Document - 01760200
| Charter Number: | 01760200 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1307 |
| Date type: | Internal, Calendar, Regnal |
| Resource Link(s): |
|
Charter:
Rex vicecomitibus Cant et Hunt salutem Ex parte dilecti nobis in Christo abbatis de Burgo Sancti Petri nobis est ostensum quod cum per cartam domini H[enrici] regis Anglie patris nostri quam confirmamus concessum sit abbati de Burgo Sancti Petri qui pro tempore fuerit quod ballivi dicti abbatis colligant omnia debita nobis et heredibus nostris debita in omnibus dominiis suis in cuiuscumque balliva sint et quod inde respondeant per manum suam ad Scaccarium nostrum ita quod vicecomites vel ballivi sui inde in nullo se intromittant quod que ballivi dicti abbatis et predecessorum suorum a tempore confectionis carte et confirmationis predictarum semper hactenus omnia debita dicto patri nostro et nobis debita in dominiis predictis colligere et inde respondere per manum suam ad Scaccarium predictum consueverint tu iam de novo ballivos predicti abbatis quo minus debita nobis debita in dominiis dicti abbatis in comitatu tuo colligere et inde respondere per manum suam ad Scaccarium nostrum sicut predictum est impedivisti et adhuc impedis minus juste in ipsius abbatis dispendium non modicum et contra tenorem carte et confirmationis predictarum Et quia nolumus quod prefato abbati injurietur in hac parte tibi precipimus quod si ita est tunc ab huiusmodi impedimentis ballivis dicti abbatis occasione predicta inferendis desistens ipsos debita nobis in dominiis predicta in comitatu tuo debita colligere et inde ad Scaccarium nostrum per manum nostram respondere permittas sicut debita illa colligere et inde ad Scaccarium predictum respondere debent Et ipsi ac ceteri ballivi dicti abbatis et predecessorum suorum predictorum huiusmodi debita colligere et inde in forma predicta a tempore predicto semper hactenus respondere consueverunt Teste me ipso apud Karliolum ij die Junii anno regni nostri tricesimo quinto