Charter Document - 01760197
| Charter Number: | 01760197 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1306 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris vel audituris Godefridus permissione divina abbas de Burgo Sancti Petri et eiusdem loci conventus salutem in Domino Noveritis nos per nobis et successoribus nostris ad instanciam domini E[dwardi] Dei gracia illustris regis Anglie concessisse dilecto nostro Gilberto Golston butillario eiusdem regis rationabilem sustentationem in tota vita ipsius Gilberti pro se et uno equo et uno garcione in abbacia nostra cum camera decenti cum vallettis nostris et successorum nostrorum et cum stabulo pro uno equo in abbacia nostra predicta Ita quod predictus Gilbertus cum superioribus familie nostre ad mensam declinet et admittatur et garcio suus cum garcionibus nostris et successorum nostrorum in mensa admittatur Et si contingat ipsum Gilbertum quod absit infirmarius ita quod indigeat per se remanere habebit cameram competentem pro se et omnia necessaria in abbacia nostra predicta Idem vero Gilbertus percipiet singulis annis de garderoba nostra et successorum nostrorum unam robam de meliori secta vallettorum nostrorum et successorum nostrorum cum futuro decenti eo tempore quo valetti nostri vel successorum nostrorum suas robas percipiunt et viginti solidos annuos videlicet decem solidos ad festum sancti Michaelis et decem solidos ad Pascha Et ut ita concessio rata consistat et stabilis huic presenti scripto sigilla nostra fecimus apponi Datum in capitulo nostro die Mercurii proxima post festum translationis sancti Thome martiris anno regni regis E[dwardi] xxxiiij