Charter Document - 01760180
| Charter Number: | 01760180 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1304 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris vel audituris Godefridus miseratione divina abbas de Burgo Sancti Petri et eiusdem loci conventus salutem in Domino Noverit universitas vestra nos unanimi asensu dimisisse et presenti scripto concessisse Cristiane de Aleby unum mesuagium cum pertinenciis suis in villa Burgi quod Willelmus Marescallus quondam tenuit de nobis et jacet inter mesuagium quod Thomas ad ecclesiam quondam de nobis tenuit versus orientem ex una parte et furnum nostrum ex altera habendum et tenendum de nobis et successoribus nostris et ecclesia nostra sibi et heredibus suis bene et in pace Reddendo inde annuatim nobis et successoribus nostris et ecclesie nostre ipsa et heredes sui quatuor solidos argenti ad quatuor anni terminos secundum consuetudines ville constitutos et faciendo omnia servicia de predicto mesuagio debita et consueta sicut predictus Willelmus Marescallus et antecessores sui facere debuerunt et plenius consueverunt Ita tamen quod dicta Cristiana nec heredes sui predictum mesuagium vendere invadiare assignare vel aliquo modo alienare poterunt sine assensu nostro vel successorum nostrorum Et ut hec nostra dimissio et concessio quantum ad nos et successores nostros pertinet rata et stabilis permaneat presenti scripto sigillum nostrum apposuimus Datum apud Burgum Sancti Petri die Martis proxima post festum annunciationis beate Marie anno regni regis E[dwardi] filii regis Henrici xxxii