Charter Document - 01760177
| Charter Number: | 01760177 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1304 |
| Date type: | Internal, A.D., Calendar |
| Resource Link(s): |
|
Charter:
Universis ad quos presentes littere pervenerint Johannes permissione divina Linc episcopus salutem in omnium salvatore Universitati vestre notum facimus per presentes quod ad exigendum et recipiendum vice et auctoritate nostra secundum libertatem ecclesasticam et regni consuetudinem approbatam quoscumque clericos seu alios viros ecclesiasticos pro quocumque crimine seu transgressione captos et apud Burg incarceratos et incarcerandos a quibuscumque justiciariis domini regis seu aliis ipsos liberandi habentibus potestatem ut de eis fiat in foro ecclesiastico quod secundum canonicas sanctiones fuerit faciendum dilectis in Christo filiis domino abbati de Burgo Sancti Petri et sacriste eiusdem loci conjunctim et divisim vices nostras committimus cum cohercionis canonice potestate In cuius rei testimonium litteras nostras domino abbati et sacriste predictis fieri fecimus has patentes Datum apud Lydington kalendis Marcii anno Domini MCCC tercio