Charter Document - 01760174
| Charter Number: | 01760174 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1303 |
| Date type: | Internal, Feast, Regnal |
| Resource Link(s): |
|
Charter:
Die Sabbati in crastino sancti Nicholai anno regni regis Edwardi filii regis Henrici xxxij convenit inter Godefridum Dei gracia abbatem de Burgo Sancti Petri et conventum loci eiusdem ex parte una et Odonem eadem gracia abbatem de Thorneye et eiusdem loci conventum ex altera videlicet quod predictus Godefridus abbas de Burgo Sancti Petri pro se et successoribus suis remisit et omnino quietum clamavit predicto Odoni de Thorneye abbati et successoribus suis totum jus et clamium quod habuit vel aliquo modo habere potuit ad fugandum ad leporem wlpem et catum per concessionem regis Ricardi antecessoris domini regis nunc predecessori abbatis de Burgo Sancti Petri factam ad fugandum ad leporem wlpem et catum per totum comitatum Huntingdon Ita videlicet quod predictus abbas de Burgo Sancti Petri nec successores sui nec aliquis nomine suo unquam decetero occasione predicte carte sive quocumque alio titulo juris aliquod jus vel clamium fugandi infra metas warenne ipsius abbatis de Thorneye per cartam domini regis nunc sibi concessam in villis de Jakele et Staneground decetero possent exigere vel clamare Et pro hac remissione et quieta clamatione predictus Odo abbas de Thorneye pro se et successoribus sui inperpetuum remisit et quietum clamavit predicto Godefrido abbati de Burgo Sancti Petri et successoribus suis totum jus et clamium quod habuit vel aliquo modo habere potuit in duobus hutrellis seu placeis pasture jacentibus ex opposito manerii de Staneground ex parte de Fletton ultra aquam que se extendit inter manerium de Staneground et pasturam abbatis de Burgo Sancti Petri de Fletton Ita videlicet quod predictus abbas de Thorneye nec successores sui nec aliquis nomine suo in predictis hutrellis sue placeis unquam decetero aliquod jus vel clamium exigere possent seu vendicare Concesserunt eciam utrique abbates et bona fide promiserunt quod certe bunde ex utraque parte aque tam versus Fletton quam versus Staneground per visum proborum hominum super ripas aque predicte ponantur Ita quod nunquam temporibus futuris neutra pars ultra predictas bundas aliquod solum possit occupare seu clamare per quod cursus aque in aliquo possit artari In cuius rei testimonium presenti scripto ad modum cirograffi confecto sigilla partium alternatim sunt appensa Hiis testibus domino Willelmo de Carleton dominis Rogero de Heycham Galfrido de la Mare Hugone Wak et Hugone Daundelyn militibus domino Roberto de Baiocis tunc vicecomite Huntingdon domino Willelmo de Spanneby Waltero de Mullesworth et Roberto de Wassingle et aliis