Charter Document - 01760173
| Charter Number: | 01760173 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1303 |
| Date type: | Internal, Feast, Regnal |
| Resource Link(s): |
|
Charter:
Die Dominica proxima post festum sancti Nicholai anno regni regis Edwardi filii regis Henrici xxxij convenit inter dominum Godefridum Dei gracia abbatem de Burgo Sancti Petri et eiusdem loci conventum ex parte una et dominum Galfridum de la Mare militem ex parte altera videlicet quod predictus Galfridus de la Mare pro se et heredibus suis inperpetuum renunciavit omni juri et beneficio quod habuit tenendi quoddam mercatum et feriam in villa de Northburg per cartam domini regis Edwardi sibi concessam et quod quidam mercatum et feriam predictus abbas asserebat predictum Galfridum levasse ad nocumentum liberi mercati sui de Burgo Sancti Petri Et preterea idem Galfridus concessit pro se et heredibus suis quod nunquam decetero mercatum nec feriam in predicta villa de Northburg tenebit et quod omnia judicialia que idem Galfridus occasione predicti mercati seu ferie levavit prosternet et amoveri faciet et quod remota remanebunt inperpetuum Et nunquam in predicta villa de Northburg nec alibi infra Nassum Burgi aliquam libertatem regalem occasione predicte carte excepta warenna sua clamabit sue vendicabit nec umquam aliquam cartam de mercato seu feria infra Nassum Burgi habendum impetrabunt Et predictus abbas et conventus pro se et successoribus suis concesserunt predicto Galfrido et heredibus suis quod de cetero habeant omnimoda amerciamenta emergentia in hundredum de Langedyk occasione assise cervisie fracte de duobus liberis tenentibus suis et uno bondo inperpetuum Ita tamen quod transgressiones assise cervisie omnium tenentium dicti Galfridi in hundredo predicti abbatis plenaria presententur et amerciamenta dictorum trium tenentium ibidem afferantur per sacramentum proborum hominum secundum quod alii braciatores patrie afferantur et extracte dictorum trium tenentium dicto Galfrido et heredibus suis vel balivo eorum per ballivum predicti abbatis liberentur Et si ballivus predicti abbatis vel successorum suorum qui pro tempore fuerit extractas predictorum amerciamentorum dicto Galfrido seu heredibus suis seu balivo suo liberare recusaverit liceat eidem Galfrido et heredibus suis predicta amerciamenta sine contradictione alicuius levare et retinere et in usus proprios convertere et omnimoda alia amerciamenta omnium tenentium dicti Galfridi in turnis et hundredis emergentia exceptis tribus braciatoribus predictis sine contradictione dicti Galfridi vel heredum suorum dicto abbati et successoribus suis remanebunt inperpetuum Et preterea dictus abbas et conventus pro se et successoribus suis remiserunt et quietum clamaverunt dicto Galfrido et heredibus suis totum jus et clamium quod habuerunt vel aliquo modo habere potuerunt communicandi in quadam pastura que vocatur le Hedyk in Makeseye Et eciam idem abbas et conventum remisit et omnino quietum clamaverunt eidem Galfrido et heredibus suis omnimoda debita in quibus ex quacumque causa eidem abbati vel predecessoribus suis tenebatur usque ad diem confectionis presentium Preterea idem abbas et conventum concesserunt pro se et successoribus suis quod dictus Galfridus et heredes sui bene et pacifice habeant amerciamenta tenentium suorum occasione assise cervisie fracte in Thurleby in comitatu Lincoln extra curiam dicti abbatis prout alii libere tenentes dicti abbatis infra dominium suum ibidem habent et alibi in comitatu Lincoln In cuius rei testimonium presenti scripto ad modum cirograffi confecto sigilla partium alternatim sunt appensa Hiis testibus dominis Rogero de Heycham Hugone Wake Johanne de Ayston Hugone Daundelyn militibus Ricardo Taillard Willelmo de Northburg Johanne de Peckebrigg Johanne de Undele tunc balivo libertatis predicti abbatis de Burgo et multis aliis