Charter Document - 01760172
| Charter Number: | 01760172 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1303 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presentes litteras visuris vel audituris G[odefridus] permissione divina abbas monasterii sancti Petri de Burgo et eiusdem loci conventus salutem in Domino sempiternam Noveritis nos unanimiter concessisse dilecto nobis in Christo magistro Johanni de Wynchelsee clerico ad instanciam venerabilis patris domini R[oberti] Dei gracia Cantuar archiepiscopi quinque marcas sterlingorum nomine pensionis annue de camera abbatis qui pro tempore fuerit ad duos anni terminos percipiendas videlicet ad Pascha triginta tres solidos et quatuor denarios et ad festum sancti Michaelis triginta tres solidos et iiij denarios Et sic singulis annis donec eidem in ecclesiastico beneficio competenti providerimus In cuius rei testimonium presentibus litteris sigilla nostra sunt appensa Datum in capitulo nostro die Veneris proxima post festum beati Michaelis anno Domini MCCC tercio